So, seein’ as hoo a’ had been invited back tae the Bus Stop a’ intended tae make the maest ae ma opportunity and so got dressed in full tartan ootfit and prepared tae sing a couple ae Nob classics tae test the water oot, so tae speak.
We went tae the harbour where we thought we were goin’ tae catch a boat tae Calis Beach but we got the times wrong as the late service didnae start until next Saturday. So aftir recording the video below we went and got the bus again.
Tansu wiz actually waitin fur me by lookin oot fae the balcony and telt me a’ wiz late. A’ explained hoo a’ like tae make an entrance and he rushed tae get me the Big Book ae Songs.
At this point a’ wiz weighin’ up ma options cause the crowd wiz much smaller than the previous nichts and even mare reserved and so a’ wondered if they could handle the Nob in full effect but a’ thought nu’hin ventured and a’ that, so a’ put a request in fur Maggie May but didnae tell them aboot the Nob twist. Ye kin see the performance below. A’ guess it wiz adequate but no’ yin ae ma best and the crowd didnae ken whit tae make ae it either. Lol.
Suzie Hay
Tansu, much tae his credit asked me tae dae anither song and at that point a’ ‘hink a’ made an error ae judgement. A’ reckon a’ should hae jist sung a song straight withoot fuckin’ wi’ the audiences mind fur a second time but a’ had had a few drinks and a’ jist thought ‘sod it, a want tae sing whit a’ came here tae sing’ and so blasted through (No) Big Erection.
No Big Erection
Anyway, it wiznae really that big a deal and aftir a couple ae beers we said goodbye tae Tansu and made oor way back tae Fethiye where we promptly went straight hame tae a very wet bed as a’ had spilt water on it earlier that afternoon.
Although a’ gave it the hairdryer treatment it wiznae much cop at getting it dry so we certainly hiv slept better. Natasha in fairness took it quite well. Ma previous birds would hae went apeshit so guid on ye sweetheart. Ye hae tae take the rough wi’ the smooth as far as Nob is concerned and naebody kens that better than yoo, eh?
Actually ma ex-wife probably kens far mare but let’s no’ go intae that.
Fethiye Ampitheatre
The next mornin’ we left the Pansion one minute afore oor allocated time and headed aff fur the bus tae Hisaronu and Ole Deniz not knowing where exactly we were goin’ tae stay that nicht.
Before we got the bus though there wiz yin last ‘hing we needed tae dae and that wiz make a video ae the Ampitheatre.
Granted we hiv been tae far mare exotic yins but an Ampitheatre is an Ampitheatre and a’ hae tae dae ma wee dance in the middle ae them.
As it turned oot there wiz an ‘official’ guide waiting fur us tae gie us the History ae the place. So a’ let him chat awa’ as a’ thought it would spice up the video a wee bit and he did hae a cool hat. Check it oot below (ignore the incorrect video title).
The Photaes
Then it wiz bus time and yin hoor later we were in Ole Deniz which a’ will blog aboot very soon and wiz even more mental than oor time in Fethiye.
If ye enjoyed ma story why no’ leave a comment or share it wi’ friends or su’hin.
Cheers the noo!
Nob
Donate
