Ok folks, let me gie ye a bit ae backgroond tae this video.
A’ made ma first website in 1996 on a webdesign course no’ long aftir ma first public appearance. If ye read the backgroond tae Suzie Hay ye will hear aw aboot hoo a’ entered a competition called Stars in the Bar and as a’ wiz dain’ the course at the time a’ decided tae build a website fur masel, fur the final project.
Aroond aboot that time a’ discovered The Barefoot Doctor. A’ had been intae Buddhism fur a while in the past but his teachings although still spiritual, seemed tae me tae be more fun fur a start, but also mare real in that he was workin’ wi’ energies in the body and had loads ae different exercises tae move this energy and benefit fae it somehoo.
The point wiz a realized that he was a genuine geezer, someone wi’ a guid sense ae humour whae kens whits whit, so a’ decided tae send him an email tae say hello and send him a link tae ma newly built website but a’ didnae really expect much ae a reply if indeed a’ got yin at aw.
Hooever, it turned oot the Doc loved ma stuff and ma website and he put a link tae it fae his website. Wow! That gave me great comfort at the time cause a’ wiz in the middle ae a public battle wi’ a comedy promoter in Scotland and his support made me feel that at least yin person feels that whit a’ am dain is worthwhile.
Indeed, aftir the dust had settled on that a’ went doon tae his hoose in London and interviewed him fur an hour aw aboot his shit and whit he gets up tae. Fur instance he makes really cool meditation dance tracks which a’ still listen tae fae time tae time. He makes spirituality fun, which is really hoo it should be.
There has been many trials and tribulations since that time wi’ me quittin’ comedy and takin’ ma website offline and puttin’ back online mare times than a whore’s knickers go off and on. Well, maybe no’ quite as many but it has felt that way sometimes.
Throughout this time though a’ hiv stayed in touch wi’ the Doc and he has always been unwaverin’ in his support ae the Nob.
He sometimes took time oot his busy schedule tae offer me some advice on a daily basis but which a’ had tae self sabotage through a poem a’ wrote called Find Ma Aen Way, which a’ sent tae him tae tell him that his advice is great but a’ve got tae learn tae ‘hink fur masel, so thanks but nae thanks.
He, bein’ as cool as Ice took it the richt way and we remained friends.
So anyway, a’ had a small gig tae perform last week at ma friends birthday party and wiz supposed tae be rehearsin’ fur it aw week. It had got tae the Thursday afore and a’ still hadnae done any’hin and wiz aboot tae get intae that mornin’ when a’ received an email fae the Doc as part ae his subscriber list.
He had jist released an EP and the main song off it wiz called Get Spanky which is a cool little number informing us that whit ye focus on ye get mare ae. That morning hooever, he said he had recorded a fun video ae his pal dancin’ tae it and invited us tae check it oot and if suitably inspired, tae make a video ae oorselves dancin’ along tae it which he would then post on is youtube channel.
Ye ken it is yin ae they gimmicks tae get people interested in his stuff a wee bit which is fair enough and me, never bein’ yin tae back oot ae a challenge never mind tae find a way tae escape fae dain’ some real work like rehearsin’ and also seein’ that it wiz a way tae promote masel so technically a’ wiz workin’, decided tae gotae the beach in ma full tartan gear tae make ma dance video.
Ye cannae really see it on the video but a’ kin assure ye the beach at 11am wiznae by any stretch ae the imagination, empty. There were people fishin’ aboot 20 yards either side ae me and beyond that families settlin’ in fur their days sunbathin’.
A’ didnae care though as ye got tae dae whit ye got tae dae and as ye kin see if ye watch the video a’ done it aricht. At the time a’ thought a’ could hae performed the dance a bit better but aftir a’ watched it back a’ realised it’s guid enough and as a’ am a yin take kind ae guy, it will hae tae dae.
Aftir recordin’ the video me and the lovely cameralady Natasha went fur some snorkellin’ and usually we dinnae see much there, but this time? Wow! We saw aboot 10 Swordfish, various other groups ae fish, a huge shoal ae smaller fish and even 6 or 7 Squids that were starin’ at us and then started changin’ colour! Well a’ hiv tae take Natasha’s wurd on that as a’ had gone back tae the shore by that point.
She on the other hand wiz a fish in a past life and could spend hoors staring at sea creatures. We then got changed and walked through a bar area to get to ma electric moped. A’ hiv become a bit ae a celebrity there actually. Everyin ‘hinks a’ am mental but hopefully in a guid way. A’ ‘hink by noo aw the staff hiv tried on ma Guitar Sunglasses at some point. 😉
Fur instance last nicht a’ went back there and the guy who organises where the cars parked directed me tae a place tae park ma moped. As a’ got aff ma bike he said loudly “You number one!” and put his hand up fur a high five. Lol. A’ said, pointin’ tae Natasha “and she number two.” and he laughed sayin “Yeah, she number two”.
Natasha hersel disagreed though sayin’ “I am one and a half” so a’ relented tae make her happy and said “Yeah Sweetheart, you are one and a half”. Ye ken hoo women are, ye hae tae cut them some slack fae time tae time otherwise they dinnae clean yer floors as regular.
As aye’ways comments are welcome and of course if ye want tae make yin yersel, then get in touch wi’ The Doc via the link a’ provided and send him yer video. Be but be sure tae let me ken as well and a’ will post it here and aw, but only if it’s a guid yin. 😉
The Photaes
A short promo.
Cheers the noo!
Nob
Donate
