Nearly every nicht a’ visit
Ma local run doon boozer
In a bid tae convince masel
That a’ am nae a loser
In there a’ like tae ponder
Aboot this life a’ lead
A’ ask masel ‘Whit guid am a’ dain?’
An’ when a’ last done a guid deed?
It’s sae easy tae be cynical
In this wurld ae oors
But a’d like tae better me
While a’ while awa’ the hoors
A’d like tae get up wi’ a purpose
Tae gie ma life some meanin’
A’ could pit the world tae richts
While ma wife is dain’ the cleanin’
Cause richt noo we arenae gettin’ on
We’re aye’ways fussin’ and fightin’
A’d like tae improve oor relationship
But that would mean actually tryin’
Will a’ change ma ways?
A’ somehoo doobt it
A’ve been this way fur sae long
It’s become a self fulfillin’ habit
A’ ken a’ll get up the ‘morrow
Wi’ a sare heed an’ a basin ae spew
The mirror will gie me a fricht
Cause a’ll look like su’hin’ oot the zoo
A’ aye’ways get morose
When a’ve had tae much tae drink
The truth starts seepin’ oot
Thank God the barman is a shrink
So aye big fella, a’ll hae another
An’ take yin fur yersel
Yer ma best friend in aw the wurld
An’ a’m feelin’ sorry fur masel
Cause a’m strugglin’ tae go on
Aye’ways pittin’ on a happy face
A’ need love jist like any yin
A’ am part ae the human race
God, this whisky’s strong
A’ shouldnae be mixin’ it wi’ rum
Everytime ah’ dae that
A’ get kicked oot on ma bum
But this is hoo a deal wi’
The things that scare me in life
So a’d better hae anothir
Afore a’ go hame an’ face the wife
Cheers the noo!
Donate
