Ole Deniz Lagoon
The day afore we had jist went tae the normal free beach area but Ole Deniz has a beautiful lagoon part ae the beach that is very much photographed and shown as yin ae the magical beauty spots ae Turkey on various advertisements fur the country, so obviously a’ had tae take Natasha along fur her tae experience it fur hersel.
It wiz 4 lira per person entry fee tae the area but they dae hiv nice walkways which you could say actually spoils the natural beach illusion. Toilets, showers and eating areas as well, so it wiznae tae bad. A’ feel as though a’ got some value fur money but a’ dae hate payin’ tae visit places on this Earth that should be available fur everyin fur free. Ye ken whit a mean. Eh?
Jim Morrison said in a song ‘Whit hiv we done tae the Earth? Tied it wi’ fences and dragged it doon’ and a’ tend tae agree wi’ him, righteous dude that he wiz, albeit a fucked up yin.
As a’ mention in the video below, we swam oot tae an island wi’ oor snorkels on and a’ still had a dodgy back and it wiz fairly knackerin’ tae say the least. Then there wiz big waves and some jaggy rocks tae negotiate tae try and get safely ontae dry land. Of course a’ had tae go first tae make sure it was doable and then Natasha, brave girl that she is, followed me.
We climbed up tae the top ae the island and shouted ‘We’re Kings Ae The Wurld!’ ye ken, as ye hae tae dae in such circumstances. Fur the swim back a’ jist put ma heed doon and kicked like fuck tae get there asap. Natasha could hae been drownin’ behind me fur all a’ kent but a’ trusted her swimmin’ capability and she caught up wi’ me at the shore aboot 10 mins later.
We then foond an excellent wee spot in the bushes that wiz secluded awa’ fae everyin and so we could play oor music loudly and nae yin could complain and maest importantly it provided a bit ae shade fur ma milk bottle like skin. Fair play, Natasha wiznae tae impressed wi’ the amoont ae ants crawlin’ everywhere but a’ could live wi’ them nae probs.
A wee funny moment happened on the walk back tae the hotel tae get ready fur the final nicht ae the holiday. There wiz a bus ae School children passin’ me and a’ had ma Guitar shades on as per normal. A’ jist noticed a group ae aboot 8 girls aw wavin’ like crazy at me. A’ jist gave them a wee nod ae recognition and they aw went mental. Big cheers aw roond. It brought a smile tae ma face. A’ luv spreadin’ guid vibes. Ye should try it yerselves sometime, it’s guid fur ye.
Runaway Chameleon
As it turned oot Natasha fancied some ice cream on the way and we had jist stopped tae get some when a guy shouted oot behind us fur a car tae stop. We turned aroond and he wiz pickin’ up a Chameleon fae the centre ae the road. It wiz jist aboot tae be squished so the guy done very well tae spot it.
The Ice Cream man then went runnin’ oot the shop tae get it cause he wiz left wi’ the responsibility ae lookin’ aftir it fur the boss and obviously he wiznae exactly on the ball as far as that wiz concerned. A’ made a short video jist aftir the incident and ye kin see the guys reticence tae talk aboot it and a’ am guessin’ he willnae be tae pleased tae see this on the net either but such is life.
Apo The Carver
Noo, the previous nicht we had met Apo whae carves ‘hings intae stone, so a’ thought it wiz a perfect opportunity tae make su’hin ae Nob that could potentially last through the ages so that distant civilisations could find it and maybe put in a museum yin day. Ye got tae dream folks, eh?
So, we took a photae and then took it tae be developed by a very angry photaeshop man cause we had the audacity tae only order yin photae! We then gave it tae Apo tae work his magic.
We arranged tae come back at 10pm the next nicht tae see the result. A’ wiz absolutely delighted wi’ it.
If any yin would like yin fur themselves a’ hiv Apo’s contact details so a’ am sure su’hin could be arranged. 😉
Here’s a video ae the moment Apo showed the Carvin’ tae uz. The good news wiz a’ didnae hae tae fake happiness.
Fiona’s Karaoke Bar
So despite the fact that nearly every bar has a big sign which states quite clearly ‘Karaoke’, hardly any bars actually fulfill this promise so we were walkin’ aroond mare in hope than in expectation ae findin’ somewhere guid.
Yin geezer tried tae get me intae his bar but a’ telt him his music wiz crap and he had nae chance but jist as we walked awa’ a cool tune came on, it could hae been the Jackson 5 or su’hin like that but whitever it wiz it made me do an aboot turn and head back. The doorman said ‘I told you we play good music here’. A’ said, ‘Aye sure pal, we’ll see hoo long it lasts’.
As it turned oot though there wiz a really nice English burd there called Fiona, (whae wiz in the café the nicht afore) whaes job it wiz tae get the Karaoke goin’ fur her payment ae free drinks aw nicht. We had struck gold.
Ok, so the place wiz still fairly empty but that doesnae stop me fae rockin’ the mic Nob style.
Dancin Bar Staff
The bar staff includin’ Fiona were then ordered tae dae their bit tae try and get some customers in. As a’ said afore, guid luck tae them, cause it is no’ a job a’ would fancy. Here’s a wee clip fae their repertoire.
Blue Velvet Liz
Where there is Karaoke usually there are yin or twa guid singers and the lovely Liz fae Scotland definitely fell intae that category. So much so a’ had tae get the camera oot tae capture some on video. Nice voice, eh?
Lovin’ Feelin’
Fiona must hae been desperate fur volunteers as she asked if a’ wanted tae perform a song and a’ dinnae need askin’ twice as far as that is concerned. A’ tried tae ‘hink ae a song suited tae ma style and wiz aboot tae opt fur Bad Moon Risin’ when a’ remembered a’ performed this yin in Malta aboot 17 years ago and it went doon no’ bad so a’ thought a’ would gie it anither bash. A’ will leave ye tae decide hoo successful (or not) that choice wiz.
Born in Ecosse
A’ pushed ma luck further an’ went for anithir song. Ecosse is French fur Scotland, so a’ thoucht it wuid work. It didnae really. But fuck it. Aw’s fair in karaoke.
As the nicht progressed everyin wiz getting mare friendly and a’ got chattin’ tae Liz and her ‘special friend’ Alan, whae by the way, is a nae bad chanter himsel. A’ asked Liz if she would accompany me as a duet on Islands In The Stream but she said she didnae ken it that well and it wiznae in the book anyway.
A’ then suggested a song that a’ hiv wanted tae duet wi’ fur fuckin’ decades noo but no’ foond a partner willin’ tae dae it wi’ me and that is Paradise By The Dashboard Light by Meatloaf.
Unfortunately Liz hates that song wi’ a passion and a’ kin understand, it isnae everyins cup ae tea, granted. A’ then suggested Summer Lovin‘ and BOOM the names were doon and we were guid tae go. A’ hiv aye’ways fancied masel as a bit ae a John Travolta. In fact, while trainin’ tae be an Entertainment Host in Majorca a’ had tae dance fur 5 weeks solid and ended up performin’ (jist the yince) in a Hotel Show version ae Grease which is still tae this day a life highlight!
Here’s the best bit. The other twa lads in the show wi’ me were the dance teachers and as we had oor evenin’ roond up aftir it the boss said that the show wiz pretty poor and that a’ wiz the only yin whae came through it wi’ class and style. Ma ‘energy wiz guid’ apparently. Nae wonder as durin’ We Go Taegethir‘ a’ am sure a’ broke intae a higher level ae consciousness.
But check oot Liz grimacin’ every time she offers me the mic. Poor lassie.
We managed tae get through it wi’ a certain amoont ae charm though and a’ enjoyed it thoroughly although a’ had tae reign masel in a bit.
A’ loved it when the other burds joined’ in at the end.
Superb!
Fiona Liz Alan Interview
As Liz and Alan were obviously stars ae the evenin’ a’ thought it would be nice tae hae a wee interview wi’ them and obviously a’ had tae get Fiona tae sit wi’ us and aw as it wiz her hard work that made the evenin’ go so well. It’s great tae jist meet people ye will probably never see again but hae a guid laugh wi’ them jist fur the pure daftness ae it and they made lovely interviewees.
Night Time Swim
We then got the last bus hame and went tae the hotel tae get changed afore hittin the beach! Well, it wiz still early doors at a 1.30am. We took the music box and chilled oot fur a while and then a’ got the call tae get naked and go fur a swim.
A’ dinnae ken why but a’ am getting’ really intae this skinny dippin’ patter. Yince ye dae it, ye start tae look fur opportunities tae dae it again and again. It’s a bit worryin’ actually but dinnae worry ye cannae see much on the video as it wiz a bit dark but ye will get the flavour ae it anyway. 😉
Lycian Dreams
So that aboot roonds up oor trip tae Ole Deniz and Hisaronu other than tae tell ye aboot oor accomodation.
A’ hiv tae say the rooms were superb value fur money and the restaurant wiz excellent too wi’ an amazingly varied choice and great cookin and ye get a 15% discount if ye are a guest and ye eat there. Really, if ye are visitin’ a recommend stayin there. The bus stop tae Hisaronu is even directly ootside and it’s only a 10 minute walk tae the beach.
Here is a brief interview wi’ the owners and a guided tour so ye kin see fur yerselves the quailty ae the place fur only 30 lira per person per nicht. That’s a bargain in any Scotsmans eyes!
We may hae stayed longer but we had left Natasha’s cat in the hoose by itsel fur 4 days and we figured its food and water would jist aboot be runnin’ oot by noo so we bit the bullet and went hame.
Jist as well we did cause when we had got there is had locked itsel in the livin’ room and had shat aw ower the carpet. God kens hoo long it wiz in there or when the last time it had eaten but yin ‘hing is fur sure, it wiz pretty glad tae see us.
Of course, a’ made Natasha clean the shit up. It wiznae ma cat afir aw and a’ although a’ took her on a nice wee holiday, there is a limit tae ma gentlemaness. 🙂
The Photaes
Cheers the noo!
Nob
Donate
